HƏSƏNOV Hikmәt Hüseyn oğlu (d.9.10.1975, Füzuli r-nunun Pirәhmәdli k.) – Azәrb. hәrbi xadimi, gen.-m. (2014). Bakı Ali Birlәşmiş Komandanlıq Mәktәbindә 2 illik kursu vә Türkiyә Resp.-nda 3 aylıq tezlәşdirilmiş kursu (1995), Çin Xalq Azadlıq Ordusunun Nankin Komandanlıq Akademiyasını (2002), Azәrb. Resp. Silahlı Qüvvәlәrinin Hәrbi Akademiyasını (2010) bitirmişdir. 1993 ildә Tәrtәrdә tağım komandiri kimi xidmәtә başlamış, 1994 ildә Ağdamda bölük komandiri, tabor komandiri olmuşdur. 2003 ildә Tovuzda “N” saylı briqadanın qәrargah rәisi, 2004 ildә briqada komandiri tәyin edilmiş, 2005–08 illәrdә Gәncәdә “N” saylı briqadanın komandiri kimi xidmәtini davam etdirmişdir. 2010 ildә Pirәkәşküldә Müdafiә Nazirliyi tәrәfindәn yaradılan NATO taborunun yerlәşdiyi briqadaya komandir tәyin olunmuşdur. 2013 ildә tәhsilini artırmaq üçün Almani yaya getmiş, NATO әmәliyyat planlaşdırılması kursunu bitirmiş, NATO әmәliyyat qәrargahında qәrargah zabiti kimi praktika keçmişdir. 2014 ildә Naxçıvan Əlahiddә Ümumqoşun Ordusunun qәrargah rәisi, hәmin ilin sonunda Silahlı Qüvvәlәrin zxc strateji postu olan “N” saylı birlәşmәnin komandiri tәyin edilmişdir. 2016 ilin Aprel döyüşlәrindә cәbhәnin Ağdam–Tәrtәr–Goranboy istiqamәtindәki döyüşlәri idarә etmişdir. Azәrb. Resp.-nın 3-cü dәrәcәli “Vәtәnә xidmәtә görә” ordeni (2018) vә medallarla tәltif olunmuşdur. Vәtәn müharibәsi (2020) zamanı Azәrb. Resp.-nın әrazi bütövlüyünün bәrpa edilmәsindә xüsusi xidmәtlәrinә vә işğal olunmuş әrazilәrin azad olunması zamanı qarşıya qoyulmuş döyüş tapşırığını yerinә yetirәn zaman göstәrdiyi qәhrәmanlığa görә, hәmçinin hәrbi qulluq vәzifәsini yerinәyetirәn zamanı igidliyin vә mәrdliyin nümayiş etdirilmәsinә görә “Qarabağ” ordeni ilә tәltif edilmişdir. 2021 ildә Ordu Korpusu komandiri vәzifәsindәn azad edilәrәk Hәrbi Akademiyasının rәis müavini tәyin olunmuşdur.
