HƏSƏNOV Xudaverdi Nәsib oğlu (15.8.1934, Cәbrayıl r-nunun Soltanlı k. – 14.2.1998, Bakı) – Azәrb. torpaqşünası. K.t. e.d. (1995), prof. (1996). Azәrb. Dövlәt Un-tini (indiki BDU) bitirmişdir (1956). 1956–60 illәrdә Ağcabәdi r-nunun Sarıcalı k. Orta mәktәbindә dәrs demiş, tәdris hissә müdiri işlәmişdir. 1960–64 illәrdә Azәrb. SSR EA-nın Torpaqşünaslıq vә Aqrokimya İn-tunun aspirantı olmuşdur. 1968–82 illәrdә AMEA-nın Coğrafiya İn-tunda baş elmi işçi, laboratoriya müdiri, şöbә müdiri işlәmişdir. 1982–88 illәrdә Azәrb. Resp. Meşә Tәsәrrüfatı nazirinin birinci müavini, 1988–90 illәrdә Azәrb. Elmi Tәdqiqat Meşәçilik İn-tunun direktor müavini, 1990–98 illәrdә Aqrokimya vә Torpaqşünaslıq İn-tunda şöbә müdiri olmuşdur. Tәdqiqatları torpaq-meşә-hava sistemindә maddәlәrin biol. dövranının tәdqiqi, torpaqların biogeosenoloji mәsәlәlәri ilә yanaşı torpağın coğrafi yayılması, torpaq yarımtiplәrinin formalaşması, torpaqşünaslıq elminin tarixi vә s. sahәsindәdir.
Ə s ә r l ә r i: Hәsәnbәy Zәrdabi Azәrbaycanda torpaqşünaslıq vә aqrokimya elminin banisidir. B., 1972; Климат почвы и биологический круговорот веществ. Б.,1980; Tәbiәtin keşiyindә (H.Əliyevlә birlikdә). B., 1993.
