HƏSƏNOV İlyas Saleh oğlu (26.9.1927, Goranboy r-nunun Xanqәrvәnd k. – 1.7.2002, Bakı) – Azәrb. geoloqu, geologiya-mineralogiya e.d. (1990), Azәrb. Resp. әmәkdar geoloqu (1991), AMEA m. üzvü (2001). 1952 ildә Azәrb. Sәnaye İn-tunu (indiki ADNSU) bitirmişdir. H. әmәk fәaliyyәtinә Kompleks Elmi Tәdqiqat Dәniz Geofiziki Ekspedisiyasında geoloq vәzifәsindәn başlamış, sonra neft çıxarma üzrә Azәrb. ETİ-dә geofiziki dәstә rәisi, şöbә müdirinin müavini olmuşdur. 1965 ildәn Ümum ittifaq Elmi Tәdqiqat Geofizika İn-tunun Azәrb. filialında baş geoloq, laboratoriya müdiri vәzifәlәrindә işlәmişdir. Tәdqiqatları Xәzәr dәnizi akvatoriyası vә onu әhatә edәn quru r-nların tektonikasının vә neft-qazlılığının öyrәnilmәsi üzrәdir. Onun rәhbәrliyi vә bilavasitә iştirakı ilә Azәrb.-ın neftli-qazlı strukturları yeni mәlumatlar әsasında bir daha öyrәnilmiş, Avropa vә Asiyanın Mezo-Kaynozoy şelflәrinin paleocoğrafi xәritәlәri vә atlaslarının bütöv bir seriyası hazırlanmışdır. H. 200-dәn artıq elmi әsәrin (o cümlәdәn monoqrafiya vә xәritәlәrin) müәllifidir.
