HƏSƏNOV Mәhәmmәd Əlәsgәr oğlu (d.9.8.1959, Goranboy r-nunun Qarasüleymanlı k.) – Azәrb.-ın Milli Qәhrәmanı (23.6.1992). Murmanskda hәrbi xidmәtini (1977–79) başa vurduqdan sonra Kiyev ş.-nә getmiş, radioelektronika texnikumunda (1980–84) tәhsil almışdır. 1987 ildә Azәrb.-a qayıtmış, Goranboy r-nundakı 3 saylı orta mәktәbdә hәrbi hazırlıq müәllimi işlәmişdir. 1991 ildә H. özünümüdafiә batalyonunun komandiri kimi ermәni tәcavüzünә qarşı mübarizәyә qoşulmuş, hәmin ilin dekabrında Goranboy r-nunun Todan k.-nin ermәnilәrdәn geri alınmasında, ardınca Mәnәşli, Erkәç, Rus Borisi, Qaraçinar, Talış kәndlәrindә gedәn döyüşlәrdә, Ağdәrә bölgәsinin geri alınmasında böyük rәşadәt göstәrmiş, polk.-l. rütbәsinәdәk yüksәlmişdir. 1993 ildә Bakı Ali Komandirlәr Mәktәbini bitirmiş, 1994–2000 illәrdә Azәrb. Kәnd Tәsәrrüfatı Akademiyasında baş müәllim vәzifәsindә çalışmışdır. 2002 ildәn Goranboy r-nunda orta mәktәb direktorudur.
