HƏSƏNOV Sәyavuş Hәsәn oğlu (20.1.1964, Nax. MR, Şәrur r-nunun Yen gicә k. – 25.6.1992, Ağdәrә r-nunun Qırmızıkәnd k.) – Azәrb.-ın Milli Qәhrәmanı (ölümündәn sonra, 21.7.1992). Bakıda 54 saylı texniki peşә mәktәbini bitirdikdәn sonra Bakı Baş Tikinti İdarәsindә rәngsaz 1982–84 işlәmiş, illәrdә Stavropolda hәrbi xidmәtdә olmuş, 1984–90 illәrdә Tümendә Azәrb. inşaat dәstәsinin tәrkibindә işlәmişdir. 20 Yanvar faciәsindәn sonra Bakıya qayıdaraq xalq hәrәkatına qoşulmuşdur. 1990 ildә yaradılan Qarabağ müdafiә taborunun ilk әsgәrlәrindәn olan H. Qazaxda, Goranboyda, Gәdәbәydә, Şuşada ermәni tәcavüzkarlarına qarşı vuruşmuşdur. Ağdәrә r-nunun bir çox kәndinin azad edilmәsindә şücaәt göstәrmiş, Qırmızı kәnd uğrunda gedәn döyüşdә hәlak olmuşdur. Bakıda Şәhidlәr Xiyabanında dәfn edilmişdir. Doğulduğu kәnddә abidәsi qoyulmuşdur.
