HƏSƏNOV Şahalı Gülmalı oğlu (12.5.1921, Ağsu r-nunun Gәgәli k. – 14.8.2015, Bakı) – Azәrb. torpaqşünası vә aqrokimyaçısı. Coğrafiya e.d. (1972), prof. (1979). Azәrb. Resp. әmәkdar müәllimi (2006). Azәrb. Dövlәt Un-tinin geoloji-coğrafiya fakultәsini bitirmiş (1951), Azәrb. SSR EA-nın Coğrafiya İn-tunda baş laborant (1951–53), Torpaqşünaslıq vә Aqrokimya İn-tunda kiçik elmi işçi vә baş elmi işçi (1960–69), laboratoriya müdiri (1969–78) işlәmişdir. 1963–65 illәrdә Birmada (Myanmedә) ekspert kimi çalışmış, bir sıra torpaq ekspedisiyasına rәhbәrlik etmişdır. Azәrb. Dövlәt Pedaqoji İn-tunda ümumi coğrafiya kafedrasının müdiri (1978–92) vә coğrafiya fakültәsinin dekanı (1989–91) olmuşdur. Tәdqiqatları torpaq coğrafiyası, torpaq kadastrı, aqroekologiya vә bonitirә, torpağın rekultivasiyası, coğrafi yayılmasına, morfogenetik vә fiziki-kimyәvi xassәlәri üzrәdir. 230-dan çox elmi әsәrin, o cümlәdәn, 3 monoqrafiyanın müәllifidir. Elmi kadrların hazırlanmasında xidmәti var.
Ə s ә r l ә r i: Почвы Приараксинской полосы и их рациональное использование, Б., 1969; Генетические особенности и бонитировка почв Юго-Западного Азербайджана, Б., 1978.
