HƏSƏNOVA Qızqayıt Salman qızı (1924, indiki Bilәsuvar r-nunun Xırmandalı k., – 22.8.2012, Bilәsuvar r-nu) – Sosialist Əmәyi Qәhrәmanı (1948). Pambıq ustası (1957). S.Ağamalıoğlu ad. AKTİ-ni bitirmişdir (1975). 1939–53 illәrdә Bilәsuvar r-nundakı Telman ad. k-zda kolxozçu, manqabaşçısı işlәmiş, 1953 ildәn hәmin k-zun sәdri olmuşdur. 1947 ildә pambıqçılıq sahәsindә yüksәk әmәk göstәricilәrinә nail olmuşdur. AKP 27–31-ci qurultaylarının nümayәndәsi olmuşdur. AKP 29-cu qurultayında AKP MK üzvü seçilmişdir. SSRİ Ali Sovetinin (4, 5-ci çağırış), Azәrb. SSR Ali Sovetinin (6–11-ci çağırış) deputatı olmuşdur. 3 dәfә Lenin ordeni, Qırmızı Əmәk Bayrağı, Oktyabr İnqilabı ordenlәri vә medallarla tәltif edilmişdir.
