HƏSƏNZADƏ Nәriman Əlimәmmәd oğlu (d. 18.2.1931, indiki Ağstafa r-nunun Poylu k.) – Azәrb. şairi, dramaturq. Azәrb. Resp. xalq şairi (2005). Filologiya elmlәri namizәdi (1965), prof. (2006), әmәkdar incәsәnәt xadimi (1981). H.Zәrdabi ad. Gәncә Dövlәt Pedaqoji İn-tunu (1953) vә M.Qorki ad. Ədәbiyyat İn-tunu (1961, Moskva) bitirmişdir. 1978–91 illәrdә “Ədәbiyyat vә incәsәnәt” qәzetinin baş redaktoru, 1991–2001 illәrdә Azәrb. mәtbuat vә informasiya nazirinin birinci müavini, nazir әvәzi vә s. vәzifәlәrdә çalışmışdır. 2001 ildәn Azәrb. Milli Aviasiya Akademiyasında kafedra müdiri işlәyir. “Çoban Əfqan” adlı ilk şeirlәr toplusu 1954 ildә nәşr olunmuşdur. “Dostlar gözlәyir mәni” (1956), “Könlüm şeir istәyir” (1964), “Mәnim gecәm-gündüzüm” (1973), “Sәn bağışladın” (1979), “Fikir elәmә” (1982), “Poylu beşiyim mәnim” (2007) şeir toplularında vәtәn mәhәbbәti, lirik duyğular, insan vә zaman haqqında düşüncәlәr poetik ifadәsini tapmışdır. “Nәriman” (1968), “Zümrüd quşu”(1976), “Kimin sualı var ?”(1984), “Vәtәnsiz” (2009), “Nuru paşa” (2010) poemalarının, “Bütün Şәrq bilsin” (1981), “Pompeyin Qafqaza yürüşü” (1997) pyeslәrinin, “Atabәylәr” (1983), “Xәlvәtdә yanan şam” (2018) mәnzum dramlarının, “Nabat xalanın çörәyi” (1974) povestinin müәllifidir. Klassik irsә, әdәbi tәnqid tarixinә, müasir әdәbi prosesin aktual problemlәrinә hәsr olunmuş mәqalәlәri, Azәrb.-Ukrayna әdәbi әlaqәlәrinә dair tәdqiqatı var. A.S.Puşkin, T.Şevçenko, N.A.Nekrasov, İ.Franko, L.Ukrainka vә b.-ndan tәrcümәlәr etmişdir. Əsәrlәri bir sıra xarici dillәrә tәrcümә olunmuşdur. 100-dәn çox şeirinә musiqi bәstәlәnmişdir. Azәrb. SSR Ali Sovetinin (12-ci cağırış) deputatı olmuşdur. Azәrb. Resp.-nın “Şöhrәt” (2001) vә “Şәrәf” (2011) ordenlәri ilә tәltif edilmişdir.
Ə s ә r l ә r i: Bütün millәtlәrә. B., 1991; Taleyin töhfәsi. B., 1993; Tariximiz, taleyimiz.B., 2002; Seçilmiş әsәrlәri.7 cilddә, B., 2010 – 14; Mәnim әdәbi taleyim. B., 2013;
Əd.: S a d ı q o v Ş. Nәriman Hәsәnzadәnin yaradıcılıq yolu. B., 2004; y e n ә o n u n. Nәriman Hәsәnzadәnin dramaturgiyası. 2007; Y u s i f l i V., Ə h m ә d l i S. Şeirimizin Nәrimanı. B., 2011.
