HƏŞİMOV Arif Mәmmәd oğlu (d. 28.9.1949, Naxçıvan MR, Şahbuz) – energetika sahәsindә Azәrb. alimi. AMEA-nın akad. (2007), Azәrb. SSR Dövlәt mükafatı laureatı (1978), әmәkdar elm xadimi (2005). Azәrb. Neft vә Kimya İn-tunu (indiki ADNSU) bitirmişdir (1971). Əmәk fәaliyyәtinә AMEA Fizika İn-tunda başlamış, 1999 ildәn laboratoriya rәhbәri, 2002–09 illәrdә in-tun direktoru vәzifәsindә işlәmişdir (hazırda laboratoriya rәhbәridir). ADNSU-da vә AzTU-da pedaqoji fәaliyyәt göstәrmişdir. 2007–13 illәrdә AMEA-nın birinci vitse-prezidenti vәzifәsindә çalışmışdır. 2014 ildәn Azәrb. Elmi Tәdqiqat vә Layihә-Axtarış Energetika İn-tunun direktorudur. 2002–09 illәrdә AMEA Fizika İn-tunda fәaliyyәt göstәrәn dissertasiya şurasının sәdri, 2005–17 illәrdә Azәrb. Milli Ensiklopediyasının redaksiya heyәtinin üzvü olmuşdur. Elmi işlәri mürәkkәb elektrik şәbәkәlәrindә dissipativ amillәri, qısaqapanma cәrәyanlarını mәhdudlaşdıran qurğuları nәzәrә almaqla elektromaqnit dalğa proseslәrini hesablamaq üçün riyazi modellәrin işlәnib hazırlanması; elektrik şәbәkәlәrindә dalğa proseslәrinin hesablanmasında sәth effektinin vә taclanmanın modellәşdirilmәsi, qısaqapanma cәrәyanlarının vә müvafiq ifrat gәrginliklәrin mәhdudlaşdırılması probleminin hәlli vә s. sahәsindәdir. 250-dәn çox elmi әsәrin, o cümlәdәn monoqrafiyaların müәllifidir. Beynәlxalq konfrans larda iştirak etmişdir. Elmi kadrların hazırlanmasında xidmәti var.
