HƏŞİMZADƏ Firudin Mәmmәdәli oğlu (7.12.1935, Bakı – 28.9.2018, Bakı) – Azәrb. fiziki, AMEA-nın akad. (2001; m. üzv 1980), Azәrb. SSR Dövlәt mükafatı laureatı (1980). Əmәkdar elm xadimi (2015). Azәrb. Dövlәt Un-tini bitirmişdir (1957). 1957–63 illәrdә SSRİ EA-nın A.F.İoffe ad. Leninqrad Fizika-Texnika İn-tunda çalışmışdır. 1963 ildәn Azәrb. SSR EA Fizika İn-tunda kiçik elmi işçi kimi fәaliyyәtә başlamış, 1968 ildә böyük elmi işçi, 1968–93 illәrdә yarımkeçiricilәr nәzәriyyәsi laboratoriyasının müdiri, 1993–2001 illәrdә in-tun direktoru olmuş, 2001–18 illәrdә baş elmi işçi vәzifәsindә çalışmışdır. Bәrk cisimlәrin zona nәzәriyyәsini qurmaq üçün psevdopotensial metodunu inkişaf etdirәrәk laylı vә zәncirvarı yarımkeçiricilәrә tәtbiq etmişdir. Onun elmi işlәri yalnız yarımkeçiricilәr fizikasına deyil, eyni zamanda bәrk cisim fizikasının әksәr sahәlәrinә dә aid olub kristalların rәqsi spektrlәrinin nәzәri qurulmasını vә tәhlilini, maqnit dielektriklәrin spinspektrlәrinin qurulub tәhlil edilmәsini, maqnit yarımke çiricilәrin elektron spektrlәrinin öyrәnilmәsini vә s. әhatә edir. Qeyri-parabolik spektrә malik yarım keçiricilәrin optik vә kinetik xassәlәrini, anizotrop kristalların qәfәs dinamikasını nәzәri olaraq tәdqiq etmişdir. Qrup nәzәriyyәsinin bәrk cisimlәrin enerji vә rәqsi spektrlәrinin öyrәnilmәsinә tәtbiqi sahәsindә dә tәdqiqatlar aparmışdır. 150-dәn çox elmi әsәrin müәllifidir. Yüksәkixtisaslı kadrların hazırlanmasında xidmәtlәri olmuşdur.
