HİCRİ DƏDƏ (tәxәllüsü; әsl adı M a h m u d d u r) (1877, Kәrkük – 11.12.1952, Kәrkük) – İraq-türkmәn şairi. Babası Dәdә Naziri tanınmış türkmәn şairi olmuşdur. Kәrkük mәdrәsәlәrindә tәhsil almışdır. Sultaniyyә vә Qala mәktәblәrindә müәllim işlәmiş, Kәrkük bәlәdiyyәsindә, “Kәrkük” qәzetindә çalışmışdır. İraq-türkmәn (Azәrb.), fars vә kürd dillәrindә yazmışdır. Yaradıcılığına Hәllac Mәnsur, İmadәddin Nәsimi, Hacı Bәktaş Vәli, hәmçinin 19 әsr türk, xüsusilә Tәnzimat әdәbiyyatı vә “Ədәbiyyati-cәdidә” mәktәbinin güclü tәsiri olmuşdur. Şeirlәrindәn yaşadığı torpaqların mәdәniyyәt, incәsәnәt, tarix, әdәbiyyat vә folkloru ilә bağlı geniş mәlumata sahib olduğu görünür. Vәtәn sevgisi, qürbәt, yoxsulluq, sәdaqәt, milli istiqlaliyyәt uğrunda, sosial zülm vә әdalәtsizliyә qarşı mübarizәyә çağırış vә s. H.D. yaradıcılığının әsas mövzularıdır. Mәnzumәlәrdәn ibarәt “Yadigari-hicri”, “Kәrkük tarixi” әsәrlәrinin, “Riyazüş-şüәra” antologiyasının vә s. әsәrlәrin müәllifi olan H.D.-nin türk vә fars dillәrindә divanı var.
Ə s ә r i: Şeirlәr. “Azәrbaycan”, 1968, № 8.
Əd.: S i n a n S ә i d. Kәrkük şairlәrindәn Hicri Dәdә. “Azәrbaycan”, 1968, № 8.
