HİDAYƏT (Hidayәt Xuduş oğlu Orucov; d.5.9.1944, Erm. SSR, Mehri r-nu, Maralzәmi k.) – Azәrb. şairi, dramaturq, publisist, dövlәt xadimi. Azәrb. Resp. Әmәkdar incәsәnәt xadimi (1991). Azәrb. Dövlәt Un-tini bitirmişdir (1968). 1968–84 illәrdә C.Cabbarlı ad. İrәvan Dövlәt Azәrb. Dram Teatrının direktoru, Ermәnistan Yazıçılar İttifaqı Azәrb. әdәbiyyatı şurasının sәdri olmuşdur. 1984 ildә Bakıya köçmüş, "Gәnclik" nәşriyyatında baş redaktor (1986–92), Azәrb. Resp. Prezidentinin müşaviri (1992–93), Azәrb. Resp. milli siyasәt mәsәlәlәri üzrә dövlәt müşaviri (1993–2005), Azәrb. Resp. Dini Qurumlarla İş üzrә Dövlәt Komitәsinin sәdri (2006–12) işlәmişdir. 2012 ildәn Azәrb. Resp.-nın Qırğ. Resp.-nda fövqәladә vә sәlahiyyәtli sәfiridir. Şeirlәrdәn vә poemadan ibarәt "Mәni sәslәyәndә" adlı ilk kitabı 1970 ildә nәşr olunmuşdur. Vәtәn sevgisi, saf mәhәbbәtin tәrәnnümü, doğma torpağa bağlılıq әsәrlәrinin әsas mövzusudur ("Mәhәbbәt qocalmır", 1973; "Dәnizi harayladım", 1978; "Eviniz analı olsun",1981; "Hәsrәt", 1995; "Hәrdәn xatırla mәni", 1998; "Ömrümün çәhlimlәri", 2002 vә s.). "Mәni qınamayın", "Bu dünyanın adamları" vә s. pyeslәrin müәllifidir. Publisistik әsәrlәri dövrün aktual problemlәrinә, mәdәniyyәt vә incәsәnәt, milli siyasәt, din, türk xalqlarının deportasiyası vә soyqırımı mәsәlәlәrinә hәsr olunmuşdur: “İrәvanda xal qalmadı”, 1984; “Sabaha çox var”, 1989; “Sözün vaxtı”, 1999; "Burdan min atlı keçdi", 2016 topluları vә s. “Mir Cәlal dünyasından sәtirlәr” (2006), "Əziz Əliyev – Odlar Yurdunun vә dağlar diyarının iftixarı" (2007) kitabları, tarixi esselәri (“Azәrbaycanda din: әn qәdim dövrdәn bu günәdәk”, 2012), bәdii tәrcümәlәri ("Özüm yazmaq istәrdim". 2 cilddә, B., 2011) var. Əsәrlәri bir sıra dillәrә tәrcümә edilmişdir. Azәrb. Resp.-nın "Şöhrәt" ordeni, bir çox ölkәnin orden vә medalları ilә tәltif olunmuşdur.
Ə s ә r l ә ri: Seçilmiş әsәrlәri. 8 cilddә, B., 2011–12.
