HİDDİNK Qus (d.8.11.1946, Varsevelde) – Niderland idmançısı vә mәşqçisi. 20 әsrin sonu – 21 әsrin әvvәllәrindә dünya futbolunun әn yaxşı mәşqçilәrindәn biri. 1967–82 illәrdә Niderland vә ABŞ-ın müxtәlif klublarında yarım müdafiәçi kimi çıxış etmiş, 317 matç keçirmiş, 16 qol vurmuşdur. 1982 ildәn mәşqçi işlәyir; Niderland (1994–98, 2014–15; 1998 il dünya çempionatında 4-cü yer), Koreya Respublikası (2001–02; 2002 il dünya çempionatında 4-cü yer), Avstraliya (2005–06; 2006 ildә tarixdә ilk dәfә dünya çempionatında iştirak etmiş vә 1/8 finala çıxmışdır), Rusiya (2006–10, 2008 il Avropa çempionatında 3-cü yer) yığma komandalarına rәhbәrlik etmişdir. Baş mәşqçisi olduğu “Real” (1998–99, Madrid), “Çelsi” (2009, 2015–16; London), PSV (1987–90, 2002–06; Eyndhoven) klubları onun rәhbәrliyi altında Avropa Çempionlar kubokunun (1988), Qitәlәrarası kubokun (1998), 6 milli çempionatın (1987–2006) vә 4 dәfә Niderland kubokunun (1988–2005), İngiltәrә kubokunun (2009) qalibi olmuşlar.
