HİDOYÁTOV Abrar (14.8.1900, Daşkәnd – 3.10.1958, Daşkәnd) – özbәk aktyoru. SSRİ xalq artisti (1945). SSRİ Dövlәt mükafatı laureatı (1949). Sәhnә fәaliyyәtinә 1918 ildәn başlamış, 1927 ildәn özbәk truppasının (hazırda Hәmzә ad. Özbәkistan Milli Akademik Dram Teatrı) aparıcı aktyoru olmuş, 70-dәn çox rol oynamışdır. 1936 ildә teatr üçün “Avaz” adlı pyes yazmışdır. Ən yaxşı rolları: Qafur (“Bәy vә muzdur”, Hәmzә), Əlişir (“Əlişir Nәvai”, Uyğun vә İ.Sultanov), Arslan (“İki kommunist”, K.Yaşen), Qorodniçi (“Müfәttiş”, N.V.Qoqol), Vurm (“Mәkr vә mәhәbbәt”, F.Şiller), Mәcnun, Əsgәr (“Leyli vә Mәcnun”, “Arşın mal alan”, Ü.Hacıbәyli), Hamlet, Otello (“Hamlet”, “Otello”, U.Şekspir), Şvandya (“Lyubov Yarovaya”, K.Trenyov) vә b. Dram teatrının aktyoru olaraq konsert proqramlarında, musiqili dram vә komediya tamaşalarında çıxış etmişdir.
