HİDROİDLƏR, hidroidlәr (Hydroidea) – hidrozoaların yarımsinfi. Buraya hәm tәk-tәk yaşayan orqanizmlәr (poliplәr vә meduzalar), hәm dә çoxlu poliplәrdәn ibarәt koloniyalar vә onlara yapışmış meduzalar aiddir. H. üçün polip vә meduza nәsillәrinin növbәlәşmәsi sәciyyәvidir, az hallarda bir nәsil dominantlıq edir vә ya onlardan biri ümumiyyәtlә olmur. 6 dәstәsi var: antoatekatlar, leptotekatlar, hidridlәr, limnomeduzalar, narkomeduzalar, traximeduzalar (digәr sistemdә – 5 dәstә var: hidralar, traxilidlәr, leptolidlәr, xondroforlar, hidrokorallar). “H.” daha çox poliplәrlә әlaqәdar işlәdilir; bu poliplәrin meduza nәsli hidroid meduzalar vә ya hidromeduzalar adlanır.
Hidroidlәr: 1 – Clava multicornis; 2 – Monobrachium parasitum; 3 – Sertularia mirabilis.
