HİPERBOLÓİD (hiperbola + ...oid) – qapalı olmayan ikitәrtibli mәrkәzi sәth. İki növ H. var: biroyuqlu (şәkil 1) vә iki – oyuqlu (şәkil 2). Bunlar ümumi sayı beş olan әsas ikitәrtibli sәthlәrdәn iki tipini tәsvir edir vә müxtәlif müstәvilәrlә kәsişmәsindәn bütün konus kәsiklәri – ellips, hiperbola, parabola vә hәmçinin düz xәtlәr cütü alınır (biroyuqlu H. halında). H. konik sәthә qeyri-mәhdud yaxınlaşır. Biroyuqlu H. düz xәttin hәrәkәtindәn әmәlә gәlәn sәthi tәsvir edir. Uyğun koordinat sistemindә (bax şәkil 1, 2) biroyuqlu H. üçün H.-in tәnliyi x2/a2 + y2/b2 – z2/c2 = 1, iki oyuqlu H.-i tәnliyi isә x2/a2 + y2/b2 – z2/c2 = –1 şәklindәdir, burada a, b vә c H.-in yarımoxları adlanır.
