HİPÓİD ÖTÜRÜCÜ – dişli ötürücü; bir müstәvidә yerlәşmәyәn çarpazlaşan vallar arasındakı fırlanma hәrәkәtini konusvarı çarxlarla ötürәn mexanizm. Hiperboloid ötürücünün sadәlәş dirilmiş variantıdır. Tәyinatından vә ötürmә yükündәn asılı olaraq hipoid çarxlar vintvarı vә çәpdişli ola bilir. H.ö.-dә kiçik çarxın oxu böyük çarxın oxuna nisbәtәn yerini dәyişir; adәtәn, oxların çarpazlaşma bucağı 90°-dir. H.ö.-nün ötürmә әdәdi 10-dan çox olmur, bәzi hallarda 30-a çatır vә daha çox olur. Ötürücüdә yeyil mәnin qarşısının alınması vә sürtkü qatının bәrabәr çәkilmәsi üçün xüsusi aşqarlı yağdan (hipoid sürtkü yağı) istifadә edilir, hәmçinin çarxın dişlәri yüksәk möhkәmliyә malik olana qәdәr termiki emal olunur. H.ö. avtomobillәrin vә traktorların aparıcı tә kәrlәrinin ötürücülәrindә, toxuculuq maşınlarında (hәrәkәti bir valdan onlarla iyә ötürmәk üçün), metalkәsmә dәzgahlarında (emalın yüksәk dәqiqliyini tәmin etmәk üçün) vә s. quraşdırılır.
Çәpdişli hipoid ötürücü.
