HİRŞ (Hirsch) Avqust (әsl adı Aron Simon) (4.10.1817, Dansiq, indiki Polşada Qdansk – 28.1.1894, Berlin) – alman hәkimi, epidemioloq, tibb tarixçisi. 1839–43 illәrdә Leypsiq vә Berlin un-tlәrindә tibbi öyrәnmişdir. 1844 ildәn Elbinq ş.-ndә (indiki Elblonq), 1846 ildәn Dansiqdә hәkim işlәmişdir. 1850 ildәn “Virxov arxivindә” tibb әdәbiyyatı mәnbәlәri әsasında yazılmış vә isti ölkәlәrdә infeksion xәstәliklәrә hәsr edilmiş mәqalәlәr çap etdirmişdir. Hәmin mәqalәlәrdәn ibarәt vә 1859–64 illәrdә nәşr edilmiş “Tarixi-coğrafi patologiyalar üzrә dәrslik” H.-i tropik xәstәliklәr üzrә mütәxәssis kimi geniş tanıtdırdı. 1863 ildәn Berlin Un-tinin prof.-u olmuşdur. 1873 ildә M.Pettenkoferlә birgә Ümumalmaniya vәba komissiyasını yaratmışdır. Müxtәlif xarici ölkәlәrdә baş verәn infeksion xәstәliklәrlә әlaqәdar çox vaxt hәmin ölkәlәrә getmişdir. 1866 ildәn Virxovla birgә tibdә olan nailiyyәtlәr haqqında ildә bir dәfә çıxan “Jahresbericht über die Leistungen und Fortschritte indergesammten Medicin” jurnalını vә 1884–88 illәrdә cәrrah E.Y.Qurtl (1825–82) ilә birgә “Biographisches Lexikon der hervorragenden Aerzte aller Zeiten und Völker” (“Bütün dövrlәrin vә xalqların görkәmli hәkimlәrinin bioqrafik lüğәti) jurnalını nәşr etdirmişdir. Orta әsrlәr tәbabәtinin tarixi üzrә әsәrlәri var.
Ə s ә r i: Handbuch der historisch-geographis chen Pathologie. Erlangen.
