HİSSAR QOYUNU – Tac.-da xalq seleksiyası yolu ilә alınmış әtlik, yağlıquyruq, qabayunlu qoyun cinsi. Boynu qısa, әzәlәli, başı iri, donqarburunlu kürәn, qonur, yaxud qara rәngli qoyunlardır. Bir dağ yamacından digәrinә 400–500 km-әdәk mәsafәni asanlıqla keçә bilir. H.q. dünyada әn iri qoyun cinslәrindәn biridir. Dişilәrin cidov hünd. 75–80 sm, erkәklәrinki 85–90 sm-dir; orta kütlәsi 75–85 kq vә müvafiq olaraq 130–140 kq, quyruğunun kütlәsi 35–40 kq vә daha çox, әt çıxımı 55–60%-dir. 100 ana qoyundan 105–110 quzu alınır. Tezyetişkәndir, quzuların sutkalıq orta artımı 370–400 q-adәkdir. İllik yun mәhsulu aşağıdır (hәr yun qırxımında 1,1–1,5 kq). H.q.-nun yunundan keçә hazırlanır. Tacik yarım qabayunlu quyruqlu cinslәrin yaradılmasında vә digәr quyruqlu cinslәrin yaxşılaşdırılmasında H.q.-ndan istifadә edilmişdir. Ən iri sürülәri Tac. vә Özb.-dadır.
Hissar qoyunu.
