HÓFFMAN Dastin (d.8.8.1937, Los-Anceles) – Amerika akytoru. 1950-ci illәrin 2-ci yarısında Los-Anceles konservatoriyasında vә “Pasadena pleyhause” (Los-Anceles) teatrı nәzdindәki studiyada tәhsil almış, 1966 ildә L.Strasberqin Aktyorluq studiyasını bitirmişdir. Off-Brodvey teatrlarında (bax Brodvey teatrları) oynamışdır. Kinoya 1960-cı illәrin ortalarında gәlmişdir. H.-a ilk uğuru “Mәzun” tragi komediyası gәtirmişdir. “Gecә yarısı kovboyu”, “Balaca böyük adam”, “Hәsir köpәklәr”, “Alfredo, Alfredo” flmlәrindә bәxti gәtirmәyәn ziyalı obrazını yaratmışdır. “Kramer Kramerә qarşı” (“Oskar” mükafatı) melodramı vә “Tutsi” komediyası çox uğurlu olmuşdur. “Yağış adamı” filmindәki Reymond rolu (“Oskar” mükafatı) ona beynәlxalq alәmdә geniş şöhrәt qazandırmışdır. “Ailә işi”, “Dik Treysi”, “Kapitan Kryuk” filmlәrindә kәskin xarakterli rollar oynamışdır; kommersiya kinematoqrafında işlәmişdir (“Epidemiya”, “Yatmışlar”, “Amerika bizonu”, “Mühit”, “Fakerlәrlә tanışlıq”, “Uğur” televiziya filmi). Çәkildiyi digәr filmlәr: “Lenni”, “Marafonçu”, “İslahedici müddәt”, “Aqata”, “Hiylәgәrlik”, “Tәmәnnalı hökm”, “Harvinin son şansı”, ”Çәkmәçi”. 2012 ildә “Kvartet” adlı tragikomediyaya quruluş vermişdir. Qәrbi Berlin (1989) vә Venesiya (1996) Beynәlxalq kinofesti vallarının mükafatını almışdır.
