HÓFMAN (Hofmann) İosif (Yuzef Kazimej) (20.1.1876, Krakov – 16.2.1957, Los-Anceles) – Polşa vә Amerika pianoçusu, pedaqoq, bәstәkar. Uşaq yaşlarında opera dirijoru olan atasından dәrs almışdır. 1883 ildәn Avropa ölkәlәrindә vunderkind kimi qastrol sәfәrlәrindә olmuşdur. ABŞ-a uğurlu sәfәrindәn (1887) sonra müvәqqәti olaraq çıxışlarını dayandırmış, Berlindә M.Moşkovskidәn (fp.), Q.Urbandan (kompozisiya), 1892–94 illәrdә Drezdendә A.Q.Rubinşteyndәn dәrs almışdır. 1894 ildә konsert fәaliyyәtini bәrpa etmişdir. 1899 ildәn ABŞ-da yaşamışdır. 1926–38 illәrdә Filadelfiyada Körtis İn-tunun direktoru olmuşdur. Müasirlәrinin fikrinә görә, H. sәnәtinin yüksәliş dövrü 1890–1900-cü illәrә tәsadüf etmişdir. Romantik repertuarın, xüsusilә F.Şopen, F.List vә A.Q.Rubinşteynin әsәrlәrinin ifası ilә mәşhurlaşmışdır. 20 әsrin 1-ci yarısının pianoçularına, o cümlәdәn S.V.Raxmani nova (3-cü fp. Konsertini H.-a hәsr etmişdir) H. yaradıcılığının böyük tәsiri olmuşdur. 100-ә qәdәr musiqi әsәrinin (bir qismi Mixail Dvorski tәxәllüsü ilә nәşr olunmuşdur), fp. ifaçılığının nәzәriyyә vә praktikasına dair iki kitabın müәllifidir.
