HÓFMAN (Hoffman; әsl soyadı Şafran) Roald (d.18.7.1937, Polşa, Zloçuv, indiki Zloçev, Ukrayna) − fiziki kimya sahәsindә Amerika alimi, Nobel mükafatı laureatı (1981, K.Fukui ilә birlikdә), ABŞ Milli EA-nın üzvü (1972), London Kral Cәmiyyәtinin (1984), REA-nın (1988) vә s. әcnәbi üzvü. Kolumbiya Un-tini (1958) bitirdikdәn sonra Uppsala (1959) vә Moskva (1960−61) untlәrindә tәcrübә keçmişdir. Harvard (1961−65, U.Lips komun qrupu ilә bir likdә tәdqiqat aparmış, R.Vudvordun asistenti olmuşdur) vә Kornell untlәrindә (1965 ildәn; 1968 ildәn prof.) işlәmişdir.
Əsas elmi işlәri kvant vә nәzәri kimya sahәlәrinә aiddir. R.Vudvordla birlikdә uzlaşdırılmış reaksiyalarda reagentlәrin vә reaksiya mәhsullarının molekullarının orbital simmetriyasının saxlanması qaydasını (1965) vermişdir (Vudvord − Hofman qaydaları). Kimyәvi reaksiyaların gedişindә atom vә molekulyar toqquşmaların ümumilәş dirilmiş kvant nәzәriyyәsini yaratmışdır. Kimyәvi çevrilmә yolunda energetik baryerlәrin әmәlә gәlmәsinin fiziki mahiyyәtini müәyyәn etmişdir. Bir sıra qeyri-üzvi vә metal-üzvi birlәşmәlәrin quruluşları vә reaksiya qabiliyyәtlәri arasındakı qarşılıqlı әlaqәni öyrәnmiş, sonralar başqa alimlәr tәrәfindәn sintez etmiş kimyәvi quruluşların yeni tiplәrini әvvәlcәdәn söylәmişdir. Elmi-kütlәvi vә fәlsәfi mәqalәlәrin, pyes vә şeirlәrin müәllifidir.
