HOHENSOLLERNLƏR – Almaniyada zadәgan, kral vә imperator nәsli. Adı ilk dәfә 1601 ildә Şvabiyada qeyd edilir. Hexingen ş.-ndәn c.-da, Şvabiya Albı dağ massivinin qollarından biri olan Hohensoller (vә ya Soller) dağında yerlәşәn eyniadlı nәsli qәsrin adındandır. Qraf III Fridrix (ö.1201) 1191 ildә I F r i d r i x adı ilә Nürnberqin burqqrafı olmuşdur. Tәqr. 1214 ildә H. Frankoniya (Reformasiya dövründәn yevangelist) vә Şvabiya (katolik) qollarına ayrılmışdır.
H . - i n F r a n k o n i y a q o l u 1248 (digәr mәlumatlara görә, 1260) ildә Bayröytdә, 1331 ildә Ansbaxda, 1338 ildә Kulm baxda bәrqәrar oldu. Bu mülklәrin әsasında 14 әsrin sonunda formalaşan güclü markqraflıq sonrakı illәrdә dәfәlәrlә sülalә bölgüsünә mәruz qaldı. 1363 ildә Frankoniya H.-i imperiya kurfürstlәri titulunu qazandı, Otuzillik müharibәnin (1618–48) yekun mәrhәlәsindә vә sonrakı illәrdә kur fürst Fridrix Vilhelm H.-in mülklәrinin xeyli genişlәndirilmәsinә, Brandenburqun Almaniya vә Avropa siyasәtindә rolunun artmasına nail oldu. 1701 ildә kurfürst III Fridrix Prussiya kralı oldu (taxta I Fridrix adı ilә çıxdı). Onun oğlu, “әsgәr kralı” I Fridrix Vilhelm Prussiya dövlәtini hәrbilәşdirdi vә qüdrәtli ordu yaratdı. Bu ordunun kömәyi ilә onun oğlu II Fridrix (Böyük) Prussiya sәrhәdlәrini xeyli genişlәndirdi; onu Avropanın aparıcı dövlәtlәrindәn birinә çevirdi. Prussiya kralı I Vilhelm 1871 ildә Almaniya imperatoru elan edildi. Onun xәlәflәri III Fridrix, II Vilhelm idi. Noyabr inqilabı (1918) gedişindә II Vilhelm devrildi vә ömrünün sonunadәk Niderlandda sürgündә yaşadı. 1994 ildәn H. sülalәsinin başçısı Prussiya şahzadәsi Georq Fridrix Ferdinanddır (d. 1976).
H.-i n Ş v a b i y a q o l u 1576 ildә Hohensollern–Hexingenlәrә vә Hohensollern–Ziqmaringenlәrә ayrıldı. 1849 ildә Hohensollern–Hexingen vә Hohensollern–Ziqmaringen kurfürstlüklәri Prussiya krallığının tәrkibinә daxil oldu. 1869 ildә Hohensollern–Hexingenlәrin nәsli kәsildi. Hohensollern–Ziqmaringenlәr nәslinin nümayәndәlәri 1866–1947 illәrdә Rumıniya taxtına sahib idilәr.
Hohhot. Beş paqoda mәbәdi.
