HOKKÁYDO (1868 ilәdәk İ y e s s o, E d z o, M a t s m a y) – Yaponiyanın şm.-ında ada. Sah. 77,7 min km2. Yapon adaları içәrisindә әrazisinә görә Honsü a.-ndan sonra ikincidir. Sakit okean vә onun Yapon vә Oxot dәnizlәri ilә әhatәlәnir. Sahillәri az girintili-çıxıntılıdır; körfәzlәr azdır; Osima, Siretoko, Nemuro vә Syakotan y-a-ları var. Relyefi, әsasәn, dağlıqdır. Adanın mәrkәzin dәn bir neçә dağ silsilәsi (Hidaka vә s.) ayrılır. Maks. hünd. 2290 m (Asahi d.). Fәaliyyәtdә olan vulkanlar (Tokati, Meakan, Usu, Esan vә s.) var. Tez-tez zәlzәlәlәr olur. Daş kömür, qızıl, gümüş, dәmir, manqan vә civә filizlәri, kükürd yataqları var. İqlimi mülayim, okean tipli, mussondur. Orta temp-r yanvarda –3-dәn –11°C-yәdәk, iyulda 17–21°C-dir. İllik yağıntı 800–1500 mm-dir. Əsas çayları: İsikari, Tesio, Tokati. Göllәrdәn Saroma laqun mәnşәli, Kuttyaro, Sikotsu, Toya krater mәnşәlidir. Ərazinin tәqr. 60%-i meşәlәrdir. Ölkәnin k.t. mәhsullarının (çәltik, buğda, qarğıdalı, şәkәr çuğunduru, müxtәlif tәrәvәzlәr vә s.) 10%-i burada becәrilir. Südlük heyvandarlıq inkişaf etmişdir. Ölkәnin әsas taxta-şalban vә meşә tәsәrrüfatı mәhsulları tәdarükçüsüdür. Mühüm şәhәrlәri: Sapporo, Hakodate.
Hokkaydo a. Tokati vulkanı.
Hokkaydo a. Sikotsu gölü.
Hokkaydo a. Hakodate şәhәrindәn görünüş.
