HOLAVAR (ehtimala görә “ho” – heyvan, öküz + “var” – get sözlәrindәn) – Azәrb. şifahi xalq әdәbiyyatında әmәk nәğmәlәrinin әn qәdim formalarından biri. Torpağın şumlanması ilә bağlı H.-larda әmәk, әsas işçi qüvvәlәri vә әmәk alәtlәri vәsf edilirdi. Çox vaxt “Qara kotan”, “Öküzüm”, “Çәkәn öküz”, “Qara kәlim” kimi sözlәrlә, müraciәtlәrlә başlanırdı. H.-lar şәn ahәngi, ritmi ilә cütçünü hәvәslәndirir, әmәyi yüngüllәşdirmәyә yardım göstәrirdi. Elmi әdәbiyyatda hәm musiqinin müşayiәti ilә, hәm dә musiqisiz ifa edildiyi barәdә bir-birinә zidd fikirlәr mövcuddur. Qәdim dövrlәrdә biriki hecalıq misralardan ibarәt olduğu güman edilir. Dövrümüzәdәk gәlib çatmış H.-ların çoxu heca vә qafiyә sisteminә görә bayatıdan fәrqlәnmir.
H. üslubca sadә, aydın, bәzәn dә oxşama ruhunda olur. Onların mәtnindә etnoqrafik ünsürlәrә, istehsal alәtlәrinin adına (kotan,mac vә s.), tәbiәt hadisәlәri haqqında tәsәvvürlәrә rast gәlinir. H.-ların sözlәri bә dahәtәn deyilir, reçitativ-deklamasiya üslu bunda oxunur.
