HÓLMSTRÖM Benqt (d.18.4.1949, Helsinki) – Amerika iqtisadçısı, Nobel mükafatı laureatı (2016, O.Hartla birgә). Əslәn findir. İsveç (2001) vә Finlandiya (2007) EA-nın әcnәbi üzvüdür. Stanford Un-tini bitirmişdir (1978). Şimal- Qәrb vә Yel un-tlәrindә (1979–94) dәrs demiş, 1994 ildәn Mas saçusets Cәmiyyәtinin rәhbәridir (2011 ildәn).
Əsas әsәrlәri rәhbәr – işçi (vә ya prinsipal – agent) modelindә opportunizm (mәnәvi risk) probleminin öyrәnilmәsinә hәsr olun muşdur. H. optimal müqavilәni xarakterizә edәrәk göstәrmişdir ki, işçinin әmәyini qiymәtlәndirmәk üçün rәhbәr bütün әl çatan informasiyadan istifadә etmәli, lakin işçinin nәzarәt etmәdiyi riskin mәsuliyyәtini onun üzәrinә qoymamalıdır. Sonralar H. nәzәriyyәsini komanda halında iş, çox mәsәlәli vәziyyәtlәr vә s.-ә tәtbiq etmiş, karyera mülahizәlәrini araşdırmışdır. J.Tirol ilә birgә maliyyә bazarlarında likvidliyin tәlәb vә tәklif modelini yaratmışdır. H.-un әsәrlәri müqavilәlәr nәzәriyyәsi, tәnzimlәmә iqtisadiyyatı, korporativ maliyyә nәzәriyyәsi, heyәt iqtisadiyyatı vә s.-nin inkişafına sәbәb olmuşdur.
Ə s ә r l ә r i: Moral hazard and observability // The Bell Journal of Economics. Spring. 1979. Vol. 10.№ 1; A theory of wage dynamics (with M. Harris) // Review of Economic Studies. 1982. Vol. 49. № 3; Moral hazard in teams // The Bell Journal of Eco no - mics. 1982. Vol. 13. № 2; Multitask principal – agent analyses: Incentive contracts, asset ownership, and job design (with P. Milgrom) // Journal of Law, Economics and Organization. 1991. Vol. 7 (Special Issue); Managerial incentive problems: A dynamic perspective // Review of Economic Studies. 1999. Vol. 66. № 1; Inside and outside liquidity. Camb., 2011 (with J.Tirole).
