HÓMANS Corc Kaspar (11.8.1910, Boston – 29.5.1989, Kembric) – ABŞ sosioloqu vә sosial psixoloq-neobihevioristi. Harvard (1953 ildәn) vә Kembric (1955–56) un-tlәrinin prof.-u, ABŞ Sosioloji Assosiasiyasının prezidenti (1963–64), ABŞ Milli EA-nın üzvü (1972) olmuşdur. H. struktur-funksional analizin ideyalarına әsaslanan kiçik qruplar nәzәriyyәsinin yaradıcılarından biridir (“İnsan qrupu”, 1950; bax Sosial qrup). 60-cı illәrin әvvәlindәn funksionalizmdәn uzaqlaşmış vә “son psixoloji reduksionizm” mövqeyinә keçmişdir. H.-a görә, sosiologiyanın meydana gәlmәsi “psixologiyanın tәbii nәticәsi” idi. O, “elementar sosial davranış”ı, yәni fәrdlәr arasında bilavasitә әlaqәni analizin başlanğıc vahidi hesab edir vә müxtәlif sәviyyәli sosial sistemlәrin fәaliyyәtini bu әsas da anlamağa çalışırdı. H. sosial davranışı davranış psixologiyası (B.Skinner, E.Torndayk) vә mübadilәnin iqtisadi konsepsiyalarından götürülmüş nәzәriyyәlәr әsasında tәdqiq edirdi. Sosial davranışı universal mübadilә kimi tәsvir edәn vә “әdalәtli mübadilә” qaydalarını formullaşdıran H. әslindә azad rәqabәtin dәyәr vә şәrtlәrinin vahid tarixdәnkәnar mәcmusunun mövcudluğunu irәli sürürdü.
Homburq şəhərindən görünüş
Ə s ә r l ә r i: Fatigue of workers. N.Y., 1941; The Human Group. N.Y., 1950; Social behavior: its elemen tary forms, N.Y., 1961; The nature of social science, N.Y., 1967; Behavioral Sociology. L., 1969.
