HÓMO ERGÁSTER, i ş l ә y ә n i n s a n, “ A f r i k a a r x a n t r o p u”, “A f r i k a p i t e k a n t r o p u” – Homo nәslindәn qazıntı insan növü. 1949 ildә Svartkransda (CAR) aşkar edilmişdir. 1975 ildә Avstraliya arxeoloqları L.Qrouvs vә V.Mazak tәrәfindәn adlandırılmış vә Homo erectusa yaxın bütün Afrika tapıntılarına aid edilmişdir (bәzi antropoloqlar onları “geniş mәnada” Homo erectusla eyni qazıntı insan növündә birlәşdirirlәr). H.e. Afrikada tәqr. 1,8 mln. il bundan әvvәl formalaşmışdır; onun әcdadları Homo habilis, yaxud Homo rudolfensis olmuşdur. H.e. üçün gödәk ensiz sifәt, inkişaf etmiş gözyuvasıüstü yastıq, yastı alın, qabağa çıxan burun sümüklәri, kiçik beyin hәcmi (800–1070 sm3) sәciyyәvidir. Skeletin qalan hissәsinin quruluşuna görә H.e., demәk olar ki, müasir adamlardan fәrqlәnmir (boyu 180 sm-әdәkdir). Ehtimal edilir ki, H.e.-lәr 50–60 nәfәrlik qruplarla yaşamış, odla tanış olmuş, әsasәn, әtlә qidalanmışdır. Onların qrupları Asiyaya yönәlmiş әn qәdim miqrasiya dalğasını (güman ki, Dmanisi tapıntılarında izlәnilir) tәşkil etmiş vә Asiya Homo erectusunun әcdadları olmuşlar. H.e. Afrikada tәqr. 900 min il bundan әvvәl Heydelberq adamının meydana gәlmәsindә iştirak etmişdir (Şell adamı, yaxud Homo erectus leakey vә Qәrbi Afrika atlantropunu keçid formaları kimi qeyd etmәk olar).
Homo ergasterin kәllәsi (reproduksiya). Keniya.
Dünya Muzeyi. Liverpul (B.Britaniya).
