HÓMO HÁBİLİS, b a c a r ı q l ı i n s a n – Homo nәslindәn qazıntı insan növü. 2,4 mln. – 6 mln. il bundan әvvәlә aid H.h.-in qalıqları Şәrqi vә Cәnubi Afrikada tapılmışdır. Adı Olduvay dәrәsindәn aşkar edilmiş prezincantropa R.Darton tәrәfindәn verilmişdir (1964); sonradan elә hәmin dәrәdә 7 fәrdin qalıqları üzә çıxarılmışdır.
Bәzi antropoloqlar H.h. qazıntı insan növünә digәr antropoloqlar tәrәfindәn Homo rudol fensis vә Homo ergaster kimi müәyyәnlәşdirilәn tapıntıları da aid edirlәr. Morfoloji cәhәtdәn H.h. avstralopitekkimilәrә yaxındır (buna görә bir sıra alim onun Homo növünә daxil edilmәsini mәqsәdәuyğun hesab etmir), lakin orta hesabla beyin hәcmi (650 sm3-әdәk) daha böyükdür, dişlәri daha mütәrәqqi quruluşludur; hәmin dövrün cantıraq avstralopiteklәrindәn fәrqli olaraq hәr şey yeyәn idi, әsasәn, açıq mәkanda yaşayırdı. H.h. dövrü tarixdә ilk olan Olduvay mәdәniyyәtinin meydana gәlmәsilә üst-üstә düşür.
Homo habilisin kәllәsi (reproduksiya). Keniya.
Zenkenberq muzeyi. Frankfurt-Mayn (Almaniya).
