HOMOGENLƏŞDİRMƏ – әsasәn, termiki vә ya mexaniki tәsir yolu ilә bir cinsli quruluşa vә (vә ya) bircinsli tәrkibә malik müxtәlif materialların (mәhlul, bәrk maddә vә s. şәkildә) alınma prosesi. T e r m i k i H. (diffuziya tablaması) әrinti soyudulan zaman diffuziya proseslәrinin kristallaşma proseslәrindәn geri qalması nәticәsindә metal vә әrintilәrdә әmәlә gәlәn likvasiyanı lәğv etmәk üçün geniş istifadә olunur. H.-nin aparılma şәraiti, әsasәn, qeyri-bircins tәrkib vә ölçülәrindәn, әrinti komponentlәrinin diffuziya sürәtindәn asılıdır. Mәs., polad külçәlәrin H.-si 1100–1300℃-dә 20–50 saat, alüminium külçәlәrinki 420–450℃-dә 20–30 saat әrzindә aparılır. H. plastikliyi, korroziyaya davamlılığı vә s. yüksәltmәk mәqsәdilә hәyata keçirilir.
M e x a n i k i (xırdalama, qarışdırma) H. kimya sәnayesindә (mәs., plastik sürtkülәri stabillәşdirmәk üçün), qida sәnayesindә (pastaşәkilli mәhsulları, süd qarışıqlarını hazırlamaq üçün) tәtbiq edilir.
