HOMOYOLÓGİYA (yun. ὅμоιος – oxşar + ... logiya) (homoplaziya) – orqanizmlәrin qohum qruplarının tәkamül prosesi gedişindә oxşar uyğunlaşmaların inkişafı sayәsindә homoloji orqanların ikinci dәfә güclәnmiş oxşarlığı. Belәliklә, H. homoloji orqanların analogiyasıdır (ikincili oxşarlıq). “H.” termini 1922 ildә alman zooloqu L.Plate tәrәfindәn elmә daxil edilmişdir. H. zamanı orqanlar bir-birinә çox oxşar olur, lakin ümumi әcdaddan yalnız qismәn götürmüş, amma xeyli dәrәcәdә isә ikincili inkişaf etmişdir. Mәs., gәmiricilәrdә vә dovşankimilәrdә kәsici dişlәr iskәnәşәkilli olub daim böyüyür vә öz-özünә itilәnmә qabiliyyәtinә malikdir. Kәsici dişlәrin bu spesifik әlamәtlәri gәmiricilәrin vә dovşankimilәrin ümumi әcdadlarında olmamış vә onlar bunu müstәqil olaraq cod bitki
yemlәri ilә qidalanmağa uyğunlaşma kimi qazanmışlar.
