HÓOFT Gerard (d. 5.7.1946, Niderland, Den-Gelder) – Niderland fiziki, nәzәri fizika üzrә fәlsәfә doktoru (1972), Nobel mükafatı laureatı (1999, M.Veltman ilә birlikdә, qarşılıqlı elektrozәif tәsirin kvant strukturunu izah edәn nәzәriyyәsinә görә). Utrext Un-tinin prof.-u (1977 ildәn). Niderland EA, Fransa EA, ABŞ Milli EA vә bir çox xarici EAnın üzvü. Əsas elmi tәdqiqatları qara dәliklәrә, kvant qravitasiyasına, holoqrafik prinsipә, kvant mexanikasının fundamental aspektlәrinә vә s. aiddir. Volf mükafatı (1981), Lorents qızıl medalı (1986), Franklin medalı (1995), Spinoza mükafatı (1995) vә bir çox digәr mükafat vә medallarla tәltif edilmişdir. 9491 saylı asteroidә Hooft adı verilmişdir.
