HOPF Heynts (19.11.1894, Breslau, indiki Vrotslav – 3.6.1971, İsveçrә, Sollikon) – alman vә İsveçrә riyaziyyatçısı. Sileziyada Fridrix Vil helm Un-tindә tәhsil almışdır. 1-ci dünya müharibәsindә iştirak etmiş, mühari bәdәn sonra tәhsilini Breslau, Heydelberq vә Berlin untlәrindә davam etdirmişdir. 1931 ildәn Sürix Ali Texniki Mәktәbinin prof.-u olmuşdur. Əsas elmi işlәri topologiyaya vә diferensial hәndәsәnin topoloji mәsәlәlәrinә aiddir. H.-un tәdqiqatlarının mühüm nәticәlәri: poliedrin özünә inikası zamanı tәrpәnmәz nöqtәlәrin cәbri sayı haqqında teorem, ixtiyari ölçülü poliedrin hәmin ölçüdә olan sferaya inikaslarının homotopik tәsnifatı, 3-ölçülü sferanın 2-ölçülü sferaya öz aralarında homotopik olmayan sonsuz sayda inikaslarının kәşfi, diferensial hәndәsә ilә topologiya arasında yeni әlaqәlәrin yaradılması. Hopf cәbri, Hopf invariantı, Hopf tәbәqәlәrә ayırması riyaziyyatda istifadә edilir. Beynәlxalq Riyaziyyatçılar İttifaqının prezidenti (1955–58) olmuş, SSRİ EA-nın N.İ.Lobaçevski ad. mükafatını almışdır (1969).
