HORNBLÉND (alm. Horn-Blende – buynuz daşı) – amfibollar qrupuna aid süxurәmәlәgәtirәn mineral – Ca2Na (Mg, Fe2+)4 (Al, Fe3+) (OH)2 [(Si, Al)4 O11]2. Mono klinik sinqoniyada kristallaşır. Uzun prizmatik vә qeyri-düzgün dәnәlәr, lifli aqreqatlar әmәlә gәtirir. Rәngi qara, yaşıl, boz olur. Sәrtliyi 5,5–6; sıxlığı 2910–3400 kq/m3. H. intruziv vә metamorfik süxurlar üçün xarakterikdir. Hidrotermal mәhlulların tәsiri ilә xlorit, epidot, kalsit vә kvarsa çevrilir. Aşınma nәticәsindә parçalanmasından opal, karbonatlar vә s. minerallar әmәlә gәlir. Yataqları Rusiya, İtaliya, Çexiya, Myanmadadır. Azәrb.-da әsasi vә orta tәrkibli intruziv әmәlәgәlmәlәrdә, Kiçik Qafqazın ofiolit qurşağının ultraәsasi süxurlarında, Daşkәsәn r-nunun skarnlarında, Konqur-Alangöz intruzivindә vә s. qeyd olunur.
Hornblend.
