HÓRSENS – Danimarkada şәhәr. Əh. 60 min (2021). Yutlandiya y-a-nın ş.-indә, Horsens-fyordun sahilindә port. D.y. qovşağı. Poladtökmә, maşınqayırma (elektrotexnika, toxuculuq vә s.), yeyinti, tütün, kimya sәnayesi var.
Əsası 11, yaxud 12 әsrdә qoyulmuşdur. Adı şәhәr әtrafındakı әrazilәrdә malqara, xüsusilә atlar bәslәnildiyinә görә “hors i nes” (“at” vә “yarımada”) sözlәrindәn götürülmüşdür. Əvvәllәr burada vikinqlәrin mәskәni yerlәşirdi. Möhkәmlәndirilmiş şәhәrin bir neçә monastırı var idi. 1442 ildә ilk ticarәt xartiyasını almış H. 18 әsrdә kommersiya mәrkәzinә çevrilmişdi.
