HORTÉNZİYA (Hyd ran gea), y a p o n g ü l ü – hortenzi ya kimilәr fәsilәsinin hidrangiya cinsindәn dekorativ bağçılıqda becәrilәn bitkilәrin yayılmış adı. Əsasәn, çoxillik kollar (bәzәn sarmaşan), daha az hallarda ağaclardır. Hünd. 3 m-ә qәdәr olur. Yarpaqları sadә, oval, saplaqları qarşı-qarşıya düzülmüşdür. Ağ, açıq çәhrayı vә göyümtül çiçәklәri, iri, әsasәn qalxanvarı çiçәk qrupunda toplanmışdır; çiçәklәri 2 tipdәdir: hamaşçiçәyin ortasında xırda vә cinsiyyәtsiz, kәnarlarda isә iri vә ikicinsiyyәtli. H. rütubәtsevәndir; işığa tәlәbatı vә soyuğa davamlılığı növә görә müәyyәn edilir. Gül çülükdә süpürgәvarı H. (H. paniculata), ağacşәkilli H. (H. arborescens) vә s., hәmçinin onların bağ formaları vә hibridlәri istifadә olunur. İyul–sentyabr aylarında çiçәklәyir. H.-nın soyuğadavamlı olmayan növlәri dibçәk bitkisi kimi örtülü qruntda becәrilir. H. toxumla, şitillә, zoğla, kolu bölmәklә, yaşıl qәlәmlә çoxaldılır. Azәrb.-da 4 növü (H. arborescens, H. bretschneideri, H. macrophylla, H. paniculata) becәrilir (çox vaxt istixana şәraitindә). Lәnkәran, Zaqatala, Xaçmaz vә b. r-nlarda yaşıllaşdırmada istifadә olunur.
Süpürgәvarı hortenziya (Hydrangea paniculata).
