HÓSPİTAL (lat. hospitalis – qonaqcıl) – müalicә-profilaktika müәssisәsi; hәrbi qulluqçuların müalicәsi üçün nәzәrdә tutulur (bir sıra Avropa ölkәsindә vә ABŞ-da, elәcә dә Azәrb.-da bәzi mülki müalicә müәssisәlәri dә H. adlanır). İlk hәrbi H.-lar 15 әsrdә İspaniyada tәşkil olunmuşdur.
H. daimi (dinc şәraitdә vә müharibә vaxtı) vә müvәqqәti (müharibә vaxtı) olur. Azәrb. Resp. Silahlı qüvvәlәrindә müxtәlif daimi H. (Müdafiә Nazirliyinin Baş Klinik H.-ı, harnizon H.-ları) var. Mәrkәzi Baş klinik H. istәnilәn ixtisaslaşdırılmış tibbi yardım göstәrir, hәrbi tibbin aktual problemlәrini işlәyib hazırlayır, harnizon H.-larının müalicә-diaqnostika vә profilaktika işlәrinә kömәklik edir. Daimi H. hәkimlәrin ixtisaslaşmasını, ixtisaslarının artırılmasını, hәrbi-hәkim ekspertizasının aparılmasını hәyata keçirir. Harnizon H.-ı bir vә ya bir neçә harnizonun hәrbi hissәlәrinin tibb xidmәtini tәmin edir.
Müvәqqәti H.-lar müxtәlif tipli sәyyar (cәrrahiyyә, terapevtik, infeksion, yüngül yaralananlar üçün H. vә s.) vә tәxliyә H.-larına bölünür. S ә y y a r H. bilavasitә qoşunun arxasınca yaradılır; onlar ştatda olan avtomobil nәqliyyatına, çadırlara vә lazımi avadanlığa malik olur vә bu da yaşayış mәntәqәlәrindәn kәnarda cәbhә boyu işi qurmağa imkan verir. Bu H. döyüşdә yaralananların vә xәstәlәnәnlәrin kütlәvi qәbulu, onlara H.-ın profilinә vә qoşunun müalicә-tәxliyә tәminatı sistemindәki yerinә uyğun müәyyәn edilmiş müalicә yardımının göstәrilmәsi üçün nәzәrdә tutulmuşdur. T ә x l i y ә H.-ı müharibә zamanı yaradılır, yaralananlara vә xәstәlәrә hospital bazası tәrkibindә ixtisaslaşdırılmış tibbi yardım vә müalicә üçün tәxsis edilir. Bütün hәrbi H.-lar sülh vә müharibә dövründә, elәcә dә tәbii fәakәtlәr zamaı yaralananlara vә xәstәlәrә yardım göstәrilmәsindә öz vәzifә borclarını yerinә yetirmәyә hazır olmalıdır.
