HOT-SPRİNQS – ABŞ-da, Arkanzas ştatında şәhәr, balneoloji kurort. Əh. 38 min (2020). Uoşito d-rının ş. әtәklәrindә, 182 m hünd.-dә, Uoşito çayı (Missisipi çayı hövzәsi) dәrәsindә yerlәşir. Mülayim iqlimi var.
Hot-Springs-Mauntin massivinin әtәklәrindә yer sәthinә çıxan müxtәlif kimyәvi tәrkibli (xloridli–natriumlu, yodlu-bromlu, azotlu vә s.) 47 termal (64°C-әdәk) mineral bulaqların suyu (sutkalıq debiti tәqr. 3,8 mln. l) dayaq–hәrәkәt orqanları, periferik sinir sistemi, dәri xәstәliklәri vә s. zamanı vanna üçün, hәmçinin butulkalara tökmәk üçün istifadә olunur. Hәlә avropalılar bura gәlәnә qәdәr (tәqr. 1541) bulaqlar hindilәr tәrәfindәn müalicә mәqsәdilә istifadә edilmişdir. Bulaqların yerlәşdiyi әrazi 1832 ildә qoruq elan olunmuş, 1921 ildә Hot-Springs Milli Parkı adlandırılmışdır. Burada çoxlu vanna binaları, bәrpa mәrkәzi, fiziki tәbabәt mәrkәzi vә s. fәaliyyәt göstәrir. Kurortun yaxınlığında yerlәşәn Uoşito, Hamilton vә s. göllәr әtrafı ilә birlikdә populyar istirahәt, turizm vә su idmanı zonasıdır.
Hot-Springs kurort şәhәrindәn görünüş.
