HOU, H a u (Howе) Qordon (Qordi) (31.3. 1928, Saskaçevan әyalәti, Floral – 10.6. 2016, Ohayo ştatı, Silveyniya) – Kanada idmançısı. Şaybalı hokkey tarixindә әn yaxşı hücumçulardan biri. 25 il әrzindә (1946–71) MHL-in “Detroyt Red Uinqs” klubunda kәnar hücumçu olmuş, hәmin klubun heyәtindә müntәzәm çempionatda 7 dәfә ardıcıl (1949–55; liqa rekordu) qәlәbә qazanmış vә 4 dәfә pley-offda mövsümün baş mükafatını – Stenli kubokunu (1950, 1952, 1954, 1955) qazanmışdır. 6 dәfә “Xart Trofi” (1952–63) vә “Art Ross Trofi” (1951–63) nüfuzlu mükafatlarına layiq görülmüşdür. MHL-dә 1767 matç keçirmiş, 801 qol vurmuşdur (müntәzәm çem pionatlarda; bu nәticәni U.Qretski ötüb keçmişdir); 157 matçda oynamış, 68 qol vurmuşdur (pleyoff matçlarında). 45 yaşında idman karyerasını davam etdirmiş, Ümumdünya Hokkey Assosia siyasının (ÜHA) “Hyüston Aeros” (1973– 77) klubun da çıxış etmişdir; oğulları Marti (d.1954) vә Markla (d.1955) eyni üçlükdә hücumçu kimi oynamışdır (dünya hokkey tarixindә nadir hadisә). ÜHA-da 1980 ilә qәdәr çıxış etmişdir; tәqr. 500 matçda oynamış vә 200 qol vurmuşdur. Kanada ordeni zabitidir (1971). 1972 ildәn adı MHL-in Hokkey Şöhrәt Zalındadır (Toronto).
