HÓUKS, Hoks (Hawks) Houard (Hovard) (30.5.1896, İndiana ştatı, Qoşen – 26.12. 1977, Palm-Sprinqs) – Amerika rejissoru. 1908–17 illәrdә Pasadena (Kaliforniya ştatı) vә Kornellun-tlәrindә oxumuşdur. 1917 ildәn kino sahәsindә çalışmışdır. Rej.kimi debütü 1926 ildә “Şöhrәtә aparan yol” filmi ilә olmuşdur. “Hәr limanda qız” (1928) filmi geniş şöhrәt qazanmışdır. “Cinayәt mәcәllәsi” (1931), “Çapıq üz” (1932), “Dәrin yuxu” (1946) filmlәri kütlәvi cinayәt törәdәn mexanizmlәri açıb göstәrmişdir. “Sәhәr patrulu” (1930), “Yalnız mәlәklәrin qanadı var” (1939), “Serjant York” (1941), “Hәrbi hava qüvvәlәri” (1943) müharibә әleyhinә yaranmış filmlәrdir. H. 1930–60-cı illәrin klassik Hollivud kinematoqrafının әn görkәmli nümayәndәlәrindәn biridir. Komediya janrında çәkdiyi filmlәr: “İyirminci әsr” (1934), “Bәbir balasının tәrbiyәlәn dirilmәsi” (1938), “Meymun hiylәlәri” (1952), “Centlmenlәr sarışın qızlara üstünlük verir” (1953), “Kişilәrin sevdiyi idman?” (1964). “Qırmızı çay” (1948), “Böyük sәma” (1952), “Rio Bravo” (1958), “Eldorado” (1967), “Rio Lobo” (1970) vesternlәrini; “Malik olmaq vә olmamaq” (1944), “Fironlar torpağı” (1955), “Xatari!” (1962), “Qırmızı xәtt 7000” (1965) filmlәrini çәkmişdir. Bir çox öz filminin ssenari müәllifidir. Kino sәnәtinә verdiyi töhfәlәrә görә fәxri “Oskar” mükafatına layiq görülmüşdür (1974).
