HÚBER Robert (d.20.2.1937, Münxen) – alman biokimyaçısı. London Kral Cәmiyyәtinin әcnәbi üzvü (1999). Nobel mükafatı laureatı (1988, İ.Dayzenhofer vә H.Mixellә birlikdә) Münxen Texniki Un-tini bitirmişdir (1960). Orada da işlәmişdir (1976 ildәn prof.) vә eyni zamanda M.Plank Cәmiyyәtinin Biokimya İn-tunda (1971–2005 illәrdә in-tun direktoru) çalışmışdır. Əsas әsәrlәri mürәkkәb bioüzvi birlәşmәlәrin, o cümlәdәn zülal komplekslәrinin rentgenostruktur analizinә vә izahına hәsr edilmişdir. İmmuno qlobulinlәrin üçlü strukturunu tәdqiq etmişdir. Qırmızı bakteriyalarda fotosintetik reaksiya mәrkәzinin üçölçülü strukturunu (dәqiq düzülüşü 10 min atomdan artıq) müәyyәn etmişdir (İ.Dayzenhofer vә H.Mixellә birlikdә).
