HUBÉY – Mәrkәzi Çindә әyalәt. Sah. 187,4 min km2. Əh. 57,8 mln. (2020). İnz. m. Uxan ş-dir. Subtropik qurşaq hüdudlarında, Yanszı çayı hövzәsindә yerlәşir. Əyalәtin mәrkәzi vә c. hissәsi, әsasәn, düzәnlikdir; hәr tәrәfdәn dağlarla әhatәlәnmişdir, çuxurlar var; q. hissәsini hünd. 3000 m-dәn yuxarı olan dağlar tutur. İqlimi subtropik, mussondur. Çoxlu göl var. Faydalı qazıntıları: dәmir filizi, әlvan metallar vә s.
Tәsәrrüfat. H. Çinin әn inkişaf etmiş әyalәtlәrindәn biridir. ÜDM-in hәcmi 595 mlrd. dollar (ölkәdә 7-ci yer), adambaşına düşәn gәlir 10,099 min dollar tәşkil edir (2018). Əyalәtdә iqtisadi vә texnoloji inkişaf zonaları fәaliyyәt göstәrir. Əsas sәnaye sahәlәri: metallurgiya, maşınqayırma, neft-kimya, energetika, avtomo bilqayırma, yeyinti vә balıq sәnayesi, toxuculuq, gәmiqayırma vә logistika.
Sәnaye müәssisәlәrindә yüksәktexnologiyalı vә optik elektronika mәhsulları, telekommunikasiya avadanlıqları, proqram tәminatı vasitәlәri vә s. istehsal olunur. H. Çinin hidroenergetika (dünyada әn iri “Üç Dәrә” SES-i; 2017 ildә 97,6. TVt elektrik enerjisi istehsal olunmuşdur) bazasıdır. Kәnd vә meşә tәsәrrüfatı; turizm inkişaf etmişdir. Pambıq, çәltik, buğ da, çay becәrilir. Yükdaşımada çay nәql. vә d.y. mühüm yer tutur. Uxan ş.-ndә beynәlxalq aeroport var.
