HÚKER, (Hooker) – ingilis botaniklәri, ata vә oğul. U i l y a m C e k s o n (6.7.1785, Norfolk qraflığı. Noric –12.8.1865, Surrey qraflığı, Kyu) – yaşadığı dövrün әn görkәmli sistematiklәrindәn biri. 1809 ildә İslandiyaya, 1814 ildә Fransaya, İsveçrәyә vә Şimali İtaliyaya sәyahәt etmişdir. Qlazqo Un-tinin prof.-u (1820–41) olmuşdur. 1841–65 illәrdә dünya florasını öyrәnәnәn iri mәrkәzә çevirdiyi Kyudakı (London әtrafında qәsәbә) Botanika bağının direktoru vәzifәsindә çalışmışdır. B.Britaniya, Amerika, Afrika florasına dair, qıjı kimilәrә aid çoxlu sayda әsәrlәr nәşr etdirmişdir. Bir sıra jurnal vә seriyalar, o cümlәdәn bugünәdәk nәşr edilәn “Icones plantarum” (1836) jurnalını tәsis etmişdir.
C o z e f D o l t o n (30.6.1817, Suffolk qraflığı, Xeylsuert –10.12.1911, Berkşir qraflığı, Sanninqdeyl) – London Kral Cәmiyyәtinin prezidenti (1872–77), Peterburq EA-nın әcnәbi üzvü (1859). 1839-43 illәrdә eks pedisiyada (Avstraliya, Yeni Zelandiya, Kergelen a-rı, Odlu Tor paq, Folklend a-rı) iştirak etmişdir ;1847–51 illәrdә Hindistanın vә Nepalın florasını öyrәnmişdir. 1855 ildәn direktor assistenti, 1865–85 illәrdә Kyudakı Botanika bağının direktoru olmuşdur. Ç.Darvinin Qalapaqos a-rında topladığı kolleksiyanın işlәnib hazırlanmasında iştirak etmiş, botaniki coğrafiyada tәkamül ideyalarını inkişaf etdirmişdir. Darvin öz növbәsindә tәkamül nәzәriyyәsinin bir sıra müddәalarını sübut etmәkdәn ötrü H.-in bitki coğrafiyasına aid mәlumatlarından istifadә etmişdir. “Çiçәkli bitkilәrin cinslәri” (1–3 cildlәr, 1862–1883) icmalının (C.Bentamla birlikdә) müәllifidir vә tәsvir olunmuş bütün toxumlu bitki növlәrinin göstәricisinin bugünәdәk nәşr olunan (“Index kewensis”) banisidir.
