HUMANİSTİK PEDAQÓGİKA – tәrbiyә nәzәriyyәsi vә tәcrübәsindә istiqamәt; 1950-ci illәrin sonu – 1960-cı illәrin әvvәllәrindә ABŞ-da humanistik psixologiya ideyalarının pedaqoji ifadәsi kimi meydana gәlmişdir. H.p.-nın fәlsәfi-ideoloji yönlәnmәsi pedosentrizm, yeni tәrbiyә vә “proqressivizm” ideyalarına yaxındır. H.p.-nın әsas hәdәfi özünü aktuallaşdırmaya, yeni bilik vә tәcrübәlәri mәnimsәmәyә can atan unikal bütöv şәxsiyyәtdir. Şagirdin şüurlu seçim etmәdiyi biliklәri vә sosial normaları ona formal şәkildә ötürәn әnәnәvi pedaqogikadan fәrqli olaraq, H.p. şagirdin şәxsiyyәt potensialının üzә çıxması, öz tәlәbat vә maraqlarının dәrki üçün әlverişli şәraitin yaradılmasına istiqamәtlәnmişdir. H.p. әnәnәvi tәhsildә kök salmış sosial sifarişin yerinә yetirilmәsinә yönәlmәni qәbul etmir. H.p. tәdrisin istәnilәn formasını planlaşdırılmayan vә çevik (mәs., açıq tәhsil) tәhsildәn ciddi tәşkil olunmuş tәhsil formalarına (mәs., proqramlaşdırılmış tәhsil) hamısını tәtbiq edir. H.p.-nın tәşkilati-metodiki tövsiyәlәri, mәs., ibtidai mәktәbdә tәhsilin emosional vә idraki aspektlәrinin birlәşdirilmәsini nәzәrdә tutan “birlәşmiş tәhsil” (C.Braun, ABŞ), hәmçinin şagirdlәrin cәmiyyәtdә öz yerinin dәrkinә kömәk mәqsәdi daşıyan “direktivsiz tәhsil” (K.Rocers) konsepsiyalarında işlәnib hazırlanır. H.p.-nın beynәlxalq alәmdә tanınan ideyaları bir çox ölkәdә (әsasәn, ABŞ) tәhsilin mәzmununun seçilmәsinә, ibtidai, orta vә ali mәktәblәrdә tәdris kurslarının tәşkilinә tәsir göstәrir, bәzi beynәlxalq pedaqoji proqramlarda (mәs., “Dünyәvi tәrbiyә”) öz әksini tapır. 1960-cı illәrin ortalarından ABŞ-da H.p.-nın tәrәfdarlarını birlәşdirәn Milli Konsorsium fәaliyyәt göstәrir.
Azәrb. Resp.-nın Tәhsil Nazirliyi nәzdindәki Tәhsil Problemlәri İn-tunda Humanist pedaqogika mәrkәzi (2014) fәaliyyәt göstәrir.
