HUN, Q u n s (Huhn, Hūns) Karl (Karlis) Teodor (Karl Fyodoroviç; Karlis Fridrixoviç) (13.12.1830, Riqa yaxınlığında, Madliena – 28.1.1877, İsveçrә, Davos, Madlienada dәfn olunmuşdur) – latış boyakarı vә qrafiki. Peterburq Rәssamlıq Akademiyasının akademiki (1868). 1850 ildә S.-Peterburqa gәlmişdir; Litoqraf V.İ.Pappenin yanında rәssam-qrafik kimi tәbiyyat tarixinin nәşri üçün illüstrasiyalar işlәmişdir. Peterburq Rәssamlıq Akademiyasında (1852–61) P.V.Basindәn dәrs almışdır. 1863–71 illәrdә Parisdә yaşamış, Fransa Rәssamlıq Akademiyasının tәqaüdçüsü olmuşdur. Peterburq Rәssamlıq Akademiyasında dәrs demişdir (1871–74; 1872 ildәn prof.). 1873 ildәn peredvijniklәr birliyinin üzvü idi. Yaradıcılığına K.P.Bryullov, hәmçinin P.Delaroş vә E.Meyssonyenin tәsiri olmuşdur. Mәişәt xarakterli tarixi tabloların müәllifidir (“Varfolomey gecәsi әrәfәsindә”, 1868, Dövlәt Rus Muzeyi).
Portretlәr, peyzajlar, mәişәt sәhnәlәri çәkmişdir (“Xәstә uşaq”, 1869; “Yay”, 1871, hәr ikisi Dövlәt Tretyakov Qalereyasında). Əsәrlәrini ofort üsulu ilә dә işlәmişdir. 1875 ildәn İsveçrәdә yaşamışdır.
Hun K.F. “Xәstә uşaq”. 1869. Dövlәt Tretyakov Qalere yası.
