HÚNGER Herbert (9.12.1914, Vyana – 9.7.2000, Vyana) – Avstriya bizansşünası, Vyana bizansşünaslıq mәktәbinin yaradıcısı. Avstriya EA-nın üzvü (1962; 1973–82 illәrdә EA-nın prezidenti) olmuşdur. Vyana Un-tini fәlsәfә doktoru dәrәcәsi ilә bitirmişdir (1936). 1939 ildә orduya çağırılmış, 1941–45 illәrdә vermaxtda hәrbi xidmәtdә, 1945–47 illәrdә әsirlikdә olmuşdur. 1954 ildә bizansşünaslıq üzrә habilitasiya (ali akademik ixtisasalma proseduru) keçmişdir. Avstriya Milli Kitabxanasının papiruslar kolleksiyasının direktoru (1956–62), Vyana Un-tindә bizansşünaslıq kafedrasının ilk rәhbәri (1962–85), Beynәlxalq Bizansşünaslıq Tәdqiqatları Assosiasiyasının prezidenti (1976–86); dünya üzrә 18 akademiyanın üzvü vә 5 un-tin fәxri doktoru olmuşdur.
Bizansın filologiya, paleoqrafiya, kodikologiya, tarix vә mәdәniyyәtinә dair fundamental işlәrin müәllifidir (“Yunan vә Roma mifologiyasının leksikonu”, “Avstriya milli kitabxanasının yunan әlyazmaları kataloqu”, “Bizanslıların yüksәk dünyәvi әdәbiyyatı”, “Yeni mәrkәzin imperiyası. Bizans mәdәniyyәtinin xristian ruhu” vә s.). Bizansşünaslıq üzrә bir sıra elmi jurnalların vә silsilә nәşrlәrin yaradıcısı vә redaktoru olmuşdur.
