HÜQUQ QAYDASI – ictimai münasibәtlәrin hüquq vasitәsilә nizama salınmış vәziyyәti. H.q. hüquqi tәnzimlәmәnin mәqsәdi, hüququn reallaşdırılmasının, hüquq normaları tәlәblәrinin hәyata keçirilmәsinin nәticәsidir.
H.q.-nın dayanıqlığı yalnız hüquq normalarının pozulması hallarında dövlәt mәcbur etmәsinin (nәzәrdә tutulmuş sanksiyaların reallaşdırılmasının) effektivliyi ilә deyil, hәm dә onun legitimliyi, yәni әhali tәrәfindәn qәbul edilmәsi, zәruriliyinә, haqlılığına vә әdalәtliliyinә әmin olması ilә tәmin edilir. Müasir demokratik, hüquqi dövlәtdә H.q. insan hüquqlarının aliliyinin tanınmasına, onların real tәminatlılığına vә mühafizәsinә әsaslanır. H.q. ictimai qaydanın әn mühüm tәrkib hissәsidir, o, müxtәlif sosial normaların – adәtlәrin, әnәnәlәrin, әxlaqın, dinin vә s.-in ictimai münasibәtlәrә tәnzimlәyici tәsiri nәticәsindә tәşәkkül tapır.
