HÜQUQ TƏHSİLİ – 1) dövlәt, idarәçilik, hüquq haqqında biliklәrin mәcmusu; peşәkar hüquqi fәaliyyәt üçün әsasdır. 2) Hüquqşünas kadrlar hazırlama sistemi. İlk xüsusi hüquq mәktәbini eramızın I әsrindә Qәdim Roma hüquqşünası Sabin tәşkil etmişdi. 4–5 әsrlәrdә tәhsil müddәti 4 il olan bir neçә belә mәktәb (Roma, Konstantinopol, Afina, Beyrut vә s.-dә) vardı; bu mәktәblәrdә Roma hüquqşünaslarının әsәrlәri öyrәnilirdi. 533 ildә imperator Yustinian 5 illik kursun tәdrisi haqqında qanun verdi. Erkәn orta әsrlәrdә xüsusi H. t. yox idi. 12–15 әsrlәrdә Qәrbi Avropanın bir sıra ölkәsindә un-tlәrdә, әsasәn, Roma hüququ tәdris olunurdu. Yalnız 18 әsrin axırlarında hüquq fakültәlәrinin proqramına milli hüququ daxil etmәyә başladılar.
H. t. xüsusi tәhsil sisteminin bir hissәsidir. İki formada – ali vә orta tәhsil formasında mövcuddur. Ali H. t. un-tlәrin hüquq fakültәlәrindә, hüquq in-tlarında, habelә bәzi hüquq-mühafizә orqanlarının vә idarәlәrinin tabeliyindәki ali hüquq mәktәblәrindә hәyata keçirilir. Ali hüquq müәssisәlәrindә mәhkәmә, prokurorluq, vәkillik, notariat vә digәr hüquq orqanlarında, o cümlәdәn dövlәt idarәetmә orqanlarında vә s. işlәmәk üçün, dövlәt vә hüquq problemlәri üzrә elmi iş aparmaq üçün hüquqsahәsindә mütәxәssislәr hazırlanır.
Azәrb.-da dövlәt vә hüquq nәzәriyyәsi problemlәri AMEA-nın Fәlsәfә vә Siyasi-Hüquqi Tәdqiqatlar İn-tunda vә ali mәktәblәrin hüquq kafedralarında araşdırılır. Resp.-da ali H. t. Bakı Dövlәt Un-tinin hüquq, beynәlxalq münasibәtlәr vә beynәlxalq hüquq, Azәrbaycan Polis Akademiyasında hәyata keçirilir.
