HÜSEYN ARİF (Hüseyn Camal oğlu H ü s e y n z a d ә; 15.12.1924, Qazax, (indiki Ağstafa) r-nunun Yenigün k. – 14.9.1992, Bakı; Yenigün k.-ndә dәfn olunmuşdur) –Azәrb. şairi. Azәrb. xalq şairi (1989), әmәkdar incәsәnәt xadimi (1984). Dövlәt mükafatı laureatı (1978). Bakı Pedaqoji Mәktәbini (1940) vә Azәrb. Dövlәt Un-ti ni (1951) bitirmişdir. Böyük Vәtәn müharibәsinin iştirakçısı olmuşdur (1943–45). Xarici Ölkәlәrlә Dostluq vә Mәdәni Əlaqәlәr Cәmiyyәtindә şöbә müdiri (1957–59), “Azәrnәşr”dә böyük redaktor (1965–67), “Gәnclik” nәşriyyatında bәdii әdәbiyyat redaksiyasının müdiri (1967–68) olmuş, Azәrb. Aşıqlar Birliyinin sәdri vәzifәsindә işlәmişdir (1984–92). Vәtәn mәhәbbәti, lirik duyğular, insan vә zaman haqqında düşüncәlәr, tәbiәt gözәl liklәrinin tәrәnnümü “Yeni hәyat yollarında” (1950), “Mәn sülhә sәs verirәm” (1951), “Mәhәbbәt nәğmәlәri” (1956), “Bahar gәlәndә” (1959), “Dostluq tellәri” (1966), “Sәn mәnimlә get” (1970), “Qocalan deyilәm” (1974), “Ömür gözlәsә” (1978), “Ömür deyir” (1981), “Ayrı düşәli” (1983), şeir toplularında, “Yolda” (1957–62), “Dağ kәndi” (1969), “Dilqәm” (1973–83) poemalarında poetik ifadәsini tapmışdır. Aşıq yaradıcılığına dair mәqalәlәri, Firdövsi, Ömәr Xәyyam, Hafiz, A.S. Puşkin, M.Y.Lermontov vә b.-ndan tәrcümәlәri var. Əsәrlәri bir sıra dillәrә tәrcümә edilmişdir. 2-ci dәrәcәli Vәtәn müharibәsi, Xalqlar Dostluğu, “Şәrәf nişanı” ordenlәri ilә tәltif olunmuşdur. Haqqında “Mәn Hüseyn Arifәm” sәnәdli televiziya filmi çәkilmişdir (2010).
Ə s ә r l ә r i: Пути. М., 1964; Язык цветов. М.,1969; Ayrı düşәli. B., 1983; Dilqәm. B., 1984; Seçilmiş әsәrlәri. 2 cilddә, B., 1985; Seçilmiş әsәrlәri. B., 2004.
