HÜSEYN BAYKARA, S u l t a n H ü s e y n (1438, Herat – 1506) – Xorasan hökmdarı [1470–1506], Teymurilәrin sonuncu görkәmli nümayәndәsi, şair. 1470 ildә Heratda hakimiyyәti әlә keçirmiş, 1472 ildә keçmiş mәktәb yoldaşı Əlişir Nәvaini baş vәzir tәyin etmişdi. Siyasәtinә Nәvainin böyük tәsiri olmuşdur. Ölümündәn sonra ara çәkişmәlәri vә oğlanları arasında hakimiyyәt uğrunda mübarizә onun yaratdığı dövlәti zәiflәtdi. 1507 ildә Şeybanilәr H.B.- nın dövlәtinә son qoydular.
H.B.-nın hakimiyyәt illәri Teymurilәr dövlәtindә mәdәniyyәt vә incәsәnәtin tәrәqqisinin son dövrü idi. H.B-nın lirik qәzәllәrindә mәhәbbәt tәrәnnüm olunur. Nәsrlә yazdığı risalәsindә (tәqr. 1485) yaşadığı dövr, hakimiyyәt vә siyasәtlә bağlı mәsәlәlәr, mәdәniyyәt, әdәbi hәyat haqqında fikirlәri әksini tapmışdır.
